СЬЫЛЫШТАМ, МУСА НЫВЪЯС

Видз вылын ми уджалім,
Ытшкӧм турун идралім.
А кор мортыд шуда, том,
Гажлы оз жӧ волы пом.

	Припев:
Сьылыштны, муса нывъяс,
Кытшӧ ставным сувталам,
Йӧктыштны, мича нывъяс,
Бур зонъяскӧд петалам.

Ачыс шонді мудзӧ жӧ,
Вӧр ді сайын узьӧ пӧ.
Йӧктыштнытӧ воис кад,
Гожся рытыс ачыс рад.

	Припев.

Эз на ланьтны лэбачьяс,
Шонді лэччиг сьылӧны.
Найӧ миянлысь бур гаж
Сьӧлӧмнаныс кылӧны.

	Припев.

Лэбач кодь жӧ челядьыд
Веж видз вылын ворсӧны.
Медся мича дзоридзьяс
Юр кытш кыны корсьӧны.

	Припев.

Вӧр ді шӧрын быд веж пу
Сулалӧ да нюмъялӧ.
Налы юсянь воӧм ру
Мича вӧтъяс туналӧ.

	Припев.

Видз вылын ми уджалім,
Уна турун идралім
Быд керкаӧ, кӧть и важ,
Медым пырас свадьба гаж.

	Припев.