БУРСИӦМ

Кор ме кула, менӧ дзебӧй
Крут мыльквывса гуӧ,
Муса Украина эрдӧ,
Аслам чужан муӧ,
Медым аддзи паськыд эрдсӧ
Быд мыльк, Днепрӧс-юӧс
Да пыр кылі, кыдзи бузгӧ
Сійӧ аслас гыӧн.
Саридзӧ кор вирсӧ сійӧ
Вӧрӧглысь тшӧтш нуас,
Ставсӧ эновта ме сэки —
Гӧраяс и муяс,
Уськӧдча лӧз енэжланьыс
Юрбитыштны Енлы...
Сыӧдз, татшӧм шуда здукӧдз
Ме ог казьтыв Енмӧс.
Менӧ гуалӧй да сувтӧй,
Жуглӧй чеплысь везъяс,
Вӧрӧгнымлӧн пеж-лёк вирӧн
Мездлуннытӧ резӧй.
Сэки зэв ыджыд семьяын,
Мездӧмаын, выльын,
Ті эн вунӧдӧй и менӧ
Казьтыштны бур кывйӧн.