ГӦТРАСЬНЫ МЕ ВӦЛІ КӦСЪЯ

Шуисны тай, гӧтрасьны пӧ меным кад нин,
Сӧмын ог тӧд ачым, кутшӧм гӧтыр ладмас,
Ой, ой, ой да кутшӧм гӧтыр ладмас!
Босьта кӧ ме озырджыкӧс, — кӧть и нылӧс,
Сійӧ оз куж печкыны да сёян пуны,
Ой, ой, ой, ни печкыны, ни сёян пуны.
Пӧрысьӧс кӧ босьтны, — лун-лун кутас дурны,
Видчыны да тӧчитны, да пон моз пурны,
Ой, ой, ой да пон моз пурны.
Гӧтрася да, — Енмыслӧн кӧ лоас татшӧм вӧля, —
Кыкнанным ӧд лоам сыкӧд ӧткодь гӧльӧсь,
Ой, ой, ой да сыкӧд ӧткодь гӧльӧсь.
Ас серти нин тӧда, ме ог аддзы нылӧс.
Сідзкӧ ёна тэрмасьнытӧ ва оз кылӧд,
Ой, ой, ой да ва менӧ оз кылӧд.
Думайта да, ас вежӧрӧн ставсӧ сидза:
Гӧтрасьнытӧ менӧ медым Енмыс видзас,
Ой, ой, ой да медым Енмыс видзас!