ГОЖӦМЫН

1

Кӧні бадьяс
Сулалӧны чӧлӧсь.
Нӧрыс сайын
Муніс тэрыб ю, —
Асъя кадӧ кыліс
	нывлӧн гӧлӧс,
Сылӧн сьылӧм
Вӧтліс менсьым ун.

2

Сьыланкывйыс
Гажа олӧм йылысь
Лэбач горӧн
Вевттис юлысь висьт,
Кыдзи ме, кыдз
Ылӧ юрган мыла:
Асъя кыалысь
Ныв сьыліс мич.

3

Петі сэки
Шондіыслы воча,
Тӧда — менӧ
Виччысьӧ ныв сэн.
Сьылӧм бӧрся
Веж луд кузя вӧтчи:
Лэбач горӧн
Ныв сэн сьыліс мен.

4

Аддза сійӧс
Мича нӧрыс помын.
Ковта вылас
Ӧзйысь биӧн «КИМ».
Бадьяс дорын
Сьылі гӧгӧр ёна
Кутіс менӧ
Муса нывлӧн ки.

5

— Со менам трактор, —
Шуис сійӧ меным.
— Ӧні гӧрны
Тайӧ смена тэд... —
А шуда синмыс
Сэтшӧм шуда, мелі:
Сьӧлӧм ассьым
Эг мӧй эськӧ сет?

6

Зарни бадьяс
Сулалӧны чӧлӧсь,
Керӧс сайын
Муніс тэрыб ю.
Бадьяс дорын
Эз нин ӧти гӧлӧс
Вадор пӧлысь
Садьмӧд асъя ун.