ЧЕЛЯДЬНЫСЛЫ БУР СИӦМ

Митингуйтӧны дзор гозъя
ӧні оз нин важ моз яра,
кӧть и асланыс бур позъяс
пӧчыс пӧльсьыс овлӧ варов:
— Уджын олӧм колис миян,
тӧдлім бура мырсянлунсӧ.
Ӧні пияннымлӧн пиян
перъясны мед озырлунсӧ.
— Озырлунсӧ, шуан?.. — пӧльыс
воча пӧчлы зіля сувтіс:
— Некор челядьнымӧс гӧльлун,
бура тӧда ме, оз вильӧд...
Медым сӧмын чужан мусӧ
радейтісны мамсьыс ёна
да мед налӧн татшӧм муслун
шонді кустӧдзыс эз помась!