МУСА ПӦЛЬ ТОММӦДЧӦПарикмахерскӧйӧ пырис миян муса пӧльным кор, мича нывлы шуис: — Шырӧй, мед ог ло ме ёна дзор... Мастер нюммуніс: — Кыдз колӧ: полубокс, а, гашкӧ, бокс?.. Медым сё во видза олан, сёысь татчӧ вайлас кок!.. Пӧльным зептас кисӧ сюйліс, видліс, мый сэн сылӧн эм... — Со тай, аддзанныд, мый куйлӧ... Абу уна... тырмас мем... ӧкмыс дасӧд арӧс тырас, регыд, кылан али он? — Юрсиӧс да-й тошкӧс шырӧй комын вит кӧпейка дон!
