* * *

Эн сет асьтӧ лоны
дивитанторйӧн,
лёк кывъясысь
да лёк славаысь,
кыдз кужан,
но дорйысь.
И завидьлун уналӧн
сьӧлӧмас тыр на,
и нювсьыны, тыдалӧ,
кутасны дыр на...
А лёк кывйыд кытшовтас,
пасас оз инмы, —
тэ веськыда видзӧдлы
быдӧнлы синмас
да вӧч ставсӧ сідз,
кыдзи вежӧрыд тшӧктӧ,
мед мыш вылыд пӧсялӧ,
сьӧлӧмыд — йӧктӧ.
Пыр тадз олӧм-ю вуджиг
зумыда зібъясь,
сэк некор лёк славаыд
тэныд оз сибды.