НЮМЪЯЛӦ ШОНДІЗэр бӧрын пондіс руавны му, нюмъялӧ шонді, коръяссьӧ пу. Гӧрны да кӧдзны матысмӧ кад, енэж тшӧтш сӧдзны дыр кежлӧ рад. Сиктын оз узьны, садьмӧны водз, мед волас мудзлун, — сытӧг оз позь! Сы пыдди арыд шогтӧ оз вай, — тырмас и карлы вый да и яй! Муӧсьтны кисӧ бур зон оз пов, сыкӧд пӧсь йитӧд пыр кутас лов. Гӧтырпу сылӧн ас сиктас эм, медмуса нылыс юкас кузь нэм. Сьӧлӧмныс тшӧктӧ лӧсьӧдны поз... Тулыснад пӧтка корсьӧ жӧ гоз. Челядьлысь серам, лэбачлысь гор вежа ва зэрыд, дерт нин, оз торк. Здук кежлӧ бердлас зіль мортлӧн ун, дзонь во жӧ вердас тувсовъя лун.
