БУР ВӦЧНЫ ЭН ПАДМЫ

Некор тэ эн падмы
йӧзлы вӧчны радлун.
Юк пыр, мый эм, шӧри,
ва кӧ, —
весиг войт,
вӧсньыдик нянь шӧрӧм
ёрттӧгыд эн сёй...
Ылыс туйӧ петав,
коді овлӧ кузь,
китӧ сӧмын сет-а
сылы,
коді мудз.
Шоныдлуныд арнад
бипурсянь оз сод,
ачыд он кӧ бара
медся дорас вод.
Абу ӧмӧй тэнад
тайӧ сідзжӧ мог —
отсавны, мед венас
мӧд морт ассьыс шог.
Медся ыджыд дойыс
сійӧс тшӧтш оз йир,
сетан кӧ, кыдз бойын,
сылы аслад сойысь
донор моз пӧсь вир.