ПАРМА ПАСЪЯСВӧрӧ ылавны ог пов, ставыс сэні ас, меным унджык оз и ков — гортӧс индан пас. Увйӧн кок улӧдзыс тыр лунвывбокса коз, шонді водзын жӧ ӧд пыр кодзувкотлӧн поз. Туйӧй дырджык кӧ оз сюр, тунъявны ог мӧд: меным индас дзоридз юр сійӧс, мый ог тӧд. Кыла кӧ нин тӧдса гор, — нюр выв ва ог ю! — сэтчань визувтӧ быд шор, кӧні чужӧ ю. Весиг войын, кор оз узь ӧтнас вильыш тӧв, Войвыв кодзув, зарни юсь, дзирдыштас, кыдз ньӧв.
