ЛЫЖИӦН И ПОДӦНВежоныд ньӧти эз нюжав, часі кык ӧдӧн оз мун, — зільджыка вит лунсӧ уджав, пӧттӧдзыд шойччы кык лун. Кӧть усьӧ лым, кӧть киссьӧ зэр, пыр водзӧ кыскӧ чужан эрд, а коді шойччыны оз куж, оз тӧд и олӧмыслысь шуд. Лыжиӧн мунам и подӧн, би дорын колльӧдам вой. Радлун он казяв походад, юкватӧ кытчӧдз он сёй. Стопкаыд туяд оз ковмы, сытӧгыс кокным зэв чож. Му вылын медлӧсьыд овны, шонді кор коялӧ гож. Эн сибӧд висьӧмлысь вуджӧр, врач дінӧ мӧдысь эн мун, — зільджыка вит лунсӧ уджав, пӧттӧдзыд шойччы кык лун. Кӧть усьӧ лым, кӧть киссьӧ зэр, пыр водзӧ кыскӧ чужан эрд, а коді шойччыны оз куж, оз тӧд и олӧмыслысь шуд.
