ПИЦУНДАЫН

Эновті войвывса тундра,
пармалысь тулысся гаж.
Пӧсь чолӧм тэныд, Пицунда,
веж гыӧн быгӧртӧм пляж!
Дыр кежлӧ татчӧ ог ылав,
век жӧ, оз ло кӧ нин дыш,
кызь луннад кисьтышта ньылӧм,
гожйӧда рушку и мыш.
Тані оз миян кодь пуяс
пыкны лӧз енэжлысь от,
мый колӧ кынӧмад сюяв,
мед сӧмын коньӧр оз пот.
Быд ныв нэр дзоридз кодь мича,
мыйла нӧ ме абу том?.
Медыджыд шогӧй оз личав, —
оз вӧтлысь дӧзмӧдчысь ном.