АРСЯ ЗЭР УЛЫНБыдӧнлы тэрмасьны тшӧктӧ арыдлӧн букыштчӧм сер: кӧдзыд асфальт весьтын йӧктӧ дзикӧдз жӧ кӧдзалӧм зэр. Тӧвзьӧ оз ӧти машина, — кузь, кӧть и абу кузь туй, — сувтӧдны кыпӧдӧм кинад весьшӧрӧ эн гӧлӧсуйт. Кагаа нывбаба эскӧ, зэрсӧ да туйсӧ оз ёр, ломзьӧдны оз ӧд ков пескӧн, сувтлас кӧ вына мотор. Лэптӧма кисӧ и нылыс, кодлы стӧч арӧс да джын... Сьӧлӧмыс, аддзас да, сылас, думайта, кодлӧн и кын. Сӧмын оз тадз на тай овлы!.. Тэрмасьӧ ӧти шофёр: дачаас мудзӧма овны уджавны велавтӧм морт. Мӧдлӧн со аслас машина, беддьӧн он судз сылысь ныр, — медым выль «Волгалӧн» шына оз жӧ нин неуна быр... Коймӧдлӧн... Лыддьыны тырмас, казьтывны кӧдзалӧм сям... Арся лёк зэр улын пыр на сулалӧ кагаа мам... Лэптӧма кисӧ и нылыс, кодлы стӧч арӧс да джын... Кагалӧн син улысь ылӧдз некод оз дзебсьы да мын!
