КЫЗЬ ӦТИӦД НЭМЫН ОЛЫСЬЛЫМамук сой вылад нюмъялан чӧла да он кор аслыд мусаджыкин, кыдзи расвывса бордтӧм на сьӧла югыд шонділань веськӧдін син. Катя-Катенька, сӧмын на чужин овны му вылад зэв ыдждыд нэм, кӧні шогыс и шудыс, и уджыс ставлы тырмымӧн, — унджык на, — эм! Ыджыд мамыд тшӧтш дзӧрыштан кинас, туйыд кыпыдӧн пыр лоас мед, лышкыд сьӧлӧмнас став бурсӧ сиӧ, кыдзи кыпӧдчысь дзоридзлы, тэд. Коймӧд тысяча во вылӧ петны колис эз уна тшупӧда пос. Ме ог тӧд, коркӧ овліс-ӧ светас, кыдзи библия гижӧ, Христос, но тэ лоан выль нэмса царица, он кут тӧдны нин миянлысь тӧжд, мыйла муыслӧн пуксьӧмсянь йитчис гӧльлӧн Правдакӧд озырлӧн Лӧж. Буретш сы вӧсна бур вылас лёкыс оз ӧд омӧля ӧні на дур, ёна вынаджык вок ассьыс вокӧс да и чойсӧ тшӧтш кӧин моз пур... Катя-Катенька, шонді оз чусмы, ваяс войтырлы выль асывводз, а мый миянлы пай вылӧ усьлі, сійӧ мӧдысь оз во, тӧда, оз! Нюмъяв мамыдлӧн медмуса сывъяс, гажӧд бӧрдӧмнас ассьыныд горт! Аслам сьӧлӧмысь бурсиан кывъяс ме тшӧтш козьнала, выль нэмса морт!
