СЬӦЛӦМЫН МУСЛУН

Кӧмтӧм челядьлунӧй бура тӧдса —
пидзӧс вылӧдз варччӧмысла лӧм,
дӧра гач кок помӧн эз вӧв пӧдса
енмӧн сетӧм чорыд «рака кӧм».
Ытшкӧм виддзыд абу вывті гылыд,
восьлалігад радлуныд оз сод.
Гожӧмсянь сёр арӧдз ывла вылын
кӧмтӧм кокӧн масьтім идза под.
Вӧвлӧм гӧльлун... Кыдз бара ми сяммим
котравны, кор муыс вӧлі кын?
Кӧмтӧмъяслы ачыс муным-мамным
дзоньвидзаӧн сетліс лоны вын.