ИЧӦТ СИКТКӧні менам сійӧ, ичӧт, дона сиктыс, мыйла туйсӧ сылань некод оз нин ликты? Ӧшиньясас сылӧн кусалісны бияс, оз дзоньтавны нинӧм мужичӧйлӧн кияс. Том войтырыс важӧн муналісны карӧ, вӧлісны кӧть найӧ удалӧсь да ярӧсь. Пӧрысьяслы нинӧм сиктас лои вӧчны, — кыссисны тшӧтш накӧд ӧткӧн кольӧм пӧчьяс... Ӧтнас вой тӧв важ моз ас ногыс тай сьылӧ, кыдз пуяслӧн корйӧн нора кышакылӧ. Оз вермыны найӧ, вужйӧн йитӧм пуяс, петны чужанінысь медся матыс туйӧ... Дивитӧны, кыла, ичӧт сиктса йӧзӧс, мыйла наысь некод яндзимла оз лӧзӧд. Эз мӧй кутны тӧрны, шуам, мича гозъя бать-мамныслӧн медся муса-гажа позъяс? Ачым месӧ мыйла сиктысь коркӧ муні, али аслам мыжӧй дзикӧдз жӧ нин вуні? Прӧща кора ӧні, веж кудриа пуяс, ляк баддьӧн нин тырӧм пӧльяснымлӧн муяс... Ыджыд сикт кӧть ичӧт — ӧткодь налӧн доныс — чужанінтӧг некор мортлы оз ло шоныд! Некод водзын сылӧн сыын абу мыжыс, — ичӧт сикт мед лоас мича, бур да ыджыд, енэжыс оз скӧрав сы весьтын лёк шерӧн, резас гожся лунӧ вежа ва кодь зэрӧн.
