КОЛИПКАЙЛӦН СЬЫЛАНКЫВ

Между небом и землей песня раздается...
(«Жаворонок». Н. Кукольник).

Лымйыс эз на кушӧдз сыв,
ылыс гым оз мургы,
сӧмын лэбач сьыланкыв
лӧз енэжас юргӧ.

Сылысь мелі сьылан гор —
тулысыслы козин —
ыбъяс весьтысь асъядор
кывны бара позьӧ.

Юртӧ чатӧртыштлы вай,
видзӧдлы тшӧтш вывлань,
кыдзи тӧвзьӧ колипкай
шонділӧн пӧсь сывлань.

надзмӧдыштны ышмӧм борд
гӧгӧрвоас сёрӧн,
сьыланкывйыскӧд жӧ кор
сьӧлӧмыс тшӧтш орӧ.