НЕБЕСАӦ ЗАРНИ ТӦЛЫСЬ ПЕТӦМА

Небесаӧ зарни тӧлысь
	петӧма...
Мустӧм сайӧ верӧс сайӧ
	сетӧ мам!
Ой, тэ, мамӧй, муса мамӧй,
	он мӧй тӧд,
Сыысь мусаджыкыс меным
	эм нин мӧд!
Сійӧ удал, сійӧ мича,
	сійӧ том —
Институтысь сиктӧ воӧм
	агроном.
Кутам радлыны да гӧрны-
	кӧдзны му,
Челядь синъясын пыр ворсны
	кутас нюм.
Ассьыд нэмтӧ тэ нин олін,
	муса мам,
Менам аслам ӧні тырмӧ
	вӧля-сям!
Дзирдав, лысва, уна рӧмӧн,
	кыа, ворс.
Тайӧ му вылас ме медся
	шуда морт!