ТУРИПУВЛА ВЕТЛІ НЮРӦ

Турипувйыд, дерт, оз сюр,
он кӧ ветлы нюрӧ.
Ош табак, кыдз самӧкур,
сыысь кольмис юрӧй.
Колӧ гортлань петны бӧр,
но ог аддзы туйсӧ:
гӧгӧр сувтіс тшем сьӧд вӧр,
некытчӧ он сюйсьы!
Ош табак пӧвстад и узь,
водзӧ ньылав дуксӧ,
медым войын олысь сюзь
сералӧ да буксӧ.
Збыльысь, ковмис корсьны вутш,
а сьӧд арся войын
кӧдзыд зэрлӧн лӧсьыд душ
пӧттӧдз ваӧн койис.
Дерт жӧ, нэм помӧдз оз вун,
мыйта меным сюрис!
... Во чӧж пыр виччыся лун
бара мунны нюрӧ.