ПЕНСИЯ ВЫЛӦ ПЕТӦМ БӦРЫНКутшӧмджыка тэсӧ олан, ӧти вося ёрт, пӧрысьман да весиг полан эновтлыны горт! Сідзкӧ, мыйла миян стопка талун пыр на кос? — Гӧтыр сыысь ӧд и ропкӧ: эм пӧ тэныд рос! Тшынасьыштнытӧ, дерт, коли енэж шӧрас розь? — Врачыд ӧтитор и дольӧ: куритны оз позь! Кежавлам вай миян клубӧ, абу ӧд на сёр! — Нылыд менӧ оз нин любит, шуас, вывті дзор! Паччӧр вылад вод да лыддьы, стенад кымын паз! — Пачтӧ оз пуктыны пыдди, лӧсьӧдісны газ! Ӧні тэнад пызан помысь яй ни вый оз чин! — Жаль, мый коли менам вомын куим да джын пинь! Пиньтӧ тэчасны ён кӧртысь, шогсьыны оз ков! Сідзкӧ, кутам на, бур ёртӧй, овны дзонь сё во!
