КОРӦСЬТӦМ ПЫВСЯНЫН

Корӧсьтӧм пывсяныд —
абу пӧ пывсян,
важысянь йӧз пӧвстад
татшӧмтор кывсьӧ.

Дыш коммунальниклӧн
кок сӧныс орӧ,
тӧв кежлӧ ваяс кӧ
куим гоз корӧсь.

Орссьӧй, дыр швачкӧдчӧй,
пывсянса войтыр,
киссьӧ мед мышсьыныд
ньылӧм сьӧд войтыд!

Дышӧс тшӧтш пӧсьджыка
орссьӧдӧй вежмӧн,
содтыштӧй корӧсяс
чорыдджык лежнӧг.

Корӧсьтӧм пывсяныд
збыль абу пывсян...
Зэв ылӧдз мед
миян
пывсяныд кывсяс!