КЫДЗИ СЕМӦ ДЕДӦ КУВСЬӦМЫСЬ ЭНОВТЧИСКувны миян Семӧ дедӧ лӧсьӧдчӧ быд тӧв: эз ӧд мӧдлы сійӧ шедӧд горт вӧчан квайт пӧв. Шог тай морттӧ сӧмын суис, — шогыд дойдны дась! — квайтнан пӧвсӧ кодкӧ гуис да тшӧтш кувсян пась. Ёна лоліс дедлы гажтӧм, — нинӧм ӧд он вӧч! — гуад аслас экипажтӧг оз жӧ колльӧд пӧч! Семӧ дедлӧн аслас сюсьлун, век жӧ, тырыс эм: «Менам, шуӧ, тырмас муслун овны ещӧ нэм, но а сійӧ, коді нуис горт вӧчан квайт пӧв, медым ме пыдди нин гуад пырас локтан тӧв».
