ЗАКАРПАТЬЕСА РАПСОДИЯВай сулыштам тан, кӧні тӧв сӧмын шӧйтӧ, важ замоклӧн изъясыс куйлӧны куш, а налӧн ёсь йывъяслань жалиттӧг нӧйтӧ веж бурыся сьылісӧ кӧртвомтӧм Уж. Ог вӧтась, а аслам ме синъясӧн аддза Карпатъяслысь енэжлань кыптӧм быд йыв, а шонділӧн югӧрыс зарниа раддзӧн оз весьшӧрӧ мичмӧд веж пожӧм да ньыв. Быд из и быд пу менам сьӧлӧмлы матыс, кыдз став Украина, сӧветскӧй став му. Брусиловлӧн егеръяс усины татӧн, гвардеецъяс-ёртъяслӧн эм уна гу. Карпатъяслы мездлунсӧ вайисны найӧ, мед некод оз торйӧд нин миянӧс нэм. И тӧдмалі бура, мый Ужгород сайын бур другъясыд миянлӧн зэв уна эм. И дас море сайӧ оз пышйы ас гортсьыс, оз корсь сэсь гуцул аслас челядьлы шуд. Ме аддзылі татысь быд сикт и быд ордым, но шог Верховинаысь корсьны эг куж. Важ замокъяс видзӧны зэв мича мойдъяс, но выль мойдыс чужтӧ быд сьӧлӧмын би. Мед менам тшӧтш муслунӧй помасьтӧг ойдӧ да тэнӧ тшӧтш, вокӧс моз, сывъялӧ ки.
