ЛУЗА ВЫВСА ЛЕНА

Паськыд Коми муысь, кытчӧ кӧть он волы,
гажтӧм чӧвлун ӧні некытысь он кыв.
Кӧнкӧ, дерт жӧ, олӧ,
кӧнкӧ, тӧда, олӧ
меным вылӧ сиӧм ӧти мича ныв.
	Сы дінӧ пӧсь муслун
	сьӧлӧмысь оз куслыв.
	Шудлунӧй тэ менам,
	Луза вывса Лена,
	дона ныв!
Кӧть и ичӧт грездын, а оз ыджыд карын
колльӧ менам Лена мусукасян кад,
сылы тырӧ арын
дас кӧкъямыс арӧс,
дзоридзалӧ томлун, кыдзи тувсов сад.

Кыаысь на мича сылӧн авъя чужӧм,
лӧз енэжысь сӧстӧм ёль ва рӧма син,
Луза вывса Лена медся бура кужӧ
радейтны да гажӧдны тшӧтш ассьыс чужанін.
	Сы дінӧ пӧсь муслун
	сьӧлӧмысь оз куслыв.
	Шудлунӧй тэ менам,
	Луза вывса Лена,
	дона ныв!