ПӦРЫСЬ МОРТПӧрысь нин, ёна нин пӧрысь, кӧрт зырйӧн сулалысь дядь, пӧрысь, а вайӧма вӧрысь нэриник вожъяса бадь. Баддьыд, дерт, жебиник быдтас, абу нин меддона пу, — вужъясяс, паськалас, кыптас, пӧрысьӧс сывъялас му. Мукӧдӧс гажӧдны пондас лэбачлӧн мудзлывтӧм гор, мукӧдлы садьмӧдас шонді тулысся медводдза гор. Пӧрысь морт тӧдӧ да сійӧн ыджыдджык кӧсйӧмӧн тыр. Абу ёсь чер сылӧн киас, — му вывсӧ мичмӧдан зыр. Быдӧн ми пӧрысьмам коркӧ, сы кодьӧсь лоам жӧ стӧч... Медбӧръя лов шыӧдз, дзор кӧть, донъясьтӧг бурторсӧ вӧч!
