ТАВО ПЕЛЫСЯ АР

Таво пелыся ар. Вӧр ді пӧлӧн
быд пу юрсяньыс коскӧдзыс гӧрд.
Сідзкӧ, миянлань матыстчас сьӧла
гора чипсӧмӧн гажӧдны вӧр.

Ме ог пищальӧн парматі ветлы,
меысь некутшӧм ловъя оз пов.
Сӧмын сы вылӧ вежӧй и петлӧ,
мыйӧн бордъясьӧ инасьтӧм лов.

Пелысь казьтылӧ ылысмӧм гожӧм,
бипур югӧр да юралысь вой,
сылӧн дивӧ кодь розлӧн быд вожын
колис шонділӧн зэв уна войт.