* * *

И пӧткаясӧс
сулӧны сьӧд вояс,
кор кынмас пелысь
да оз артмы пув,
а парма шӧрад
оз кӧ тырмы сёян,
сэк вод да бурсӧ
виччысьтӧгыд кув.
Но пищалялы
налӧн шог оз инмы,
ӧд сы вылӧ куш
ёсьмӧдӧма сям,
кыдз позьӧ унджык
аддзыны горш синмӧн
быд бордъяӧс,
да бурджык, коді рам.
А дорйысьнысӧ
пӧткаяс оз кужны,
эз сетны налы
лэчыд ныр да гыж...
Оз мыж вӧчысь моз
вӧр керкаас узьлы
и сійӧ,
коді вӧчӧ медлёк мыж.