МАМ КОЛЛЬӦДӦ ПИСӦИ. А. КуратовлыКолльӧдӧ мам ассьыс писӧ, вой шӧр, а пыр на оз узь. Сьӧлӧмыс ёнтӧ и висьӧ: вӧлӧкыс вывті ӧд кузь! Кебрасянь Яренскӧдз колӧ пиыслы кыскыны ноп! Турӧбыс мир туйсӧ толӧ, шутьлялӧ-гуляйтӧ... Ок!.. Ывлаӧ понйӧс оз эновт этатшӧм асылӧ морт, кыдз шогсӧ мам сьӧлӧм венас, кор пиыс эновтас горт? Орччӧн со чой-воккӧд сійӧ узьӧ да аддзӧ выль вӧт. Мый сылы чужан му сиӧ, — Кебраса школьник оз тӧд. Гыӧртӧм ӧшиньяс сайысь керкаӧ писькӧдчӧ лун. Комиӧ югыдлун вайны повтӧг, Куратов, тэ мун! Пармаса войтырлӧн сямыс тырмымӧн вӧлі и эм!.. Мӧдӧдӧ бур писӧ мамыс гӧль йӧзлы корсьны выль нэм.
