* * *

Ассьым нэмӧс, тыдалӧ нин, олі,
Ыджыд могъяс олӧмӧ эг пӧрт...
Ӧні меным зэв этша нин колӧ —
Вугыр шать да юква пуан пӧрт.
Гожся рытӧ пукся Эжва дорӧ,
Кымӧръясысь кыа кокни вон,
Некодлысь ог курышт и ог орӧд
Тайӧ уджысь вывті ыджыд дон.
Кытчӧдз сьӧлӧм діпкас морӧс йӧрын, —
Оз ӧд сійӧ весь олӧмысь вись! —
Сьывны кута кыалысь
				и вӧрлысь
Мортлы шуд да радлун сетан
					мич.
Медым сійӧ, коді тайӧ часӧ
Кыскӧ ловъя эзысьӧн бур тыв,
Видзис тайӧ мусӧ, тайӧ васӧ,
Видзӧны кыдз медбур
				сьыланкыв.