АМУР ВЕСЬТЫН АСЫВАмур весьтын асыв Гӧрд ӧгырысь дон, Лӧз енэжлӧн ясыд И пыдӧс, и пом, Морт пельпомӧдз сидзӧ Быд веж турун си... Граница сэн видзӧ, Граница сэн видзӧ Печораса пи. Дыр кытшовтӧ шонді Веж вӧръяс да му, Сэн пемдыны пондас, А Комиын лун. И казьтыштас сійӧ, Пилоткаа зон, Печораса бияс, Печораса бияс Да ыстас поклон. И гижасны нывъяс, Оз чӧв овны дыр, Смел зонмӧс пӧсь кывъяс Мед шонтӧны пыр. Амур вывті ылын — Он друг сэтчӧдз вудж, Но зонлы и сылы, Но зонлы и сылы Пыр нюмъялас шуд. Амур весьтын асыв Гӧрд ӧгырысь дон, Лӧз енэжлӧн ясыд И пыдӧс, и пом, Морт пельпомӧдз сидзӧ Быд веж турун си... Граница сэн видзӧ, Граница сэн видзӧ Печораса пи.
