ЕДЖЫД РОЗА

Ме аддзылі, кыдз воссис еджыд роза,
Став дзоридзьясысь медмича да нэр.
Том асыв шуднас лои кык пӧв озыр,
Кор море пӧлӧн шувгис шоныд зэр.

Нэр дзоридз мыссис кыаӧн и ваӧн,
Эз кӧсйы йӧзысь дзебны ассьыс мич.
Тадз, кыдзи сійӧ, ӧвтӧ кольман маӧн
Веж пуяс костын идравтӧм на видз.

Но воис рыт, и бара чужис асыв,
Пӧсь шонді югӧр сотыштіс, кыдз ньӧв:
Нэр роза менам,
		менам сьӧлӧм пасӧй,
Веж коръяс пӧвстын талун эз нин вӧв.

Вот тадзи тулыс гӧльмис ӧти здукӧн,
А сы йылысь и висьтавны ог кут,
Мый кодкӧ ӧти гусялӧмӧн дзугис
И вӧр-валысь,
		и, медводз, менсьым шуд.