![](/sites/all/themes/biblio/img/pause.png)
![](/sites/all/themes/biblio/img/down1.png)
![](/sites/all/themes/biblio/img/down.png)
![](/sites/all/themes/biblio/img/down3.png)
![](/sites/all/themes/biblio/img/left.png)
![](/sites/all/themes/biblio/img/right.png)
СИКТЫН ОТПУСК ДЫРЙИПыр аддза ичӧт ӧшинь пыр Син водзысь ӧткодь серпас: Руд енэж, потшӧс, улич кыр, Кык вирич, куим керка. И сэтшӧм тані вывті лӧнь, И весит абу тӧла. Став быттьӧ кулӧмаӧсь скӧнь Сикт кывтыдпом туй пӧлӧн. Лунтырӧн вуджӧртас кык морт Да гоз-мӧд вӧла-доддя... Тан менам олігчӧж некор Эз вежсьыв на поводдя. И вот сэн, рад кӧть абу рад, Мед гажтӧмла эг вижӧд, Весьшӧрӧ мед эз кылав кад, Кывбуръяс быд лун гижа. Сідз ӧттор-мӧдтор йылысь мӧвп Век коркӧ волӧ юрӧ, И, кор пӧпутнӧй пӧльтӧ тӧв, Стих надзӧникӧн тюрӧ. Син чӧвтла кодыр ӧшинь пыр, Пыр аддза ӧткодь серпас: Руд енэж, потшӧс, улич кыр, Кык вирич, куим керка.