КОР ТУРӦБ ДУРӦ

Талун турӧб
Бара дурӧ,
Кӧсйӧ босьтны менӧ пленӧ
Сэк, кор лызьӧн туйяс вура
Да тшӧтш нимтӧ гижа, Лена,
Лыжи бедьнас небыд лымйӧ.

Бӧрсянь лыскӧн
Турӧб чышкӧ
Сійӧс, мый меным зэв дона,
Кӧть и сулавлывлан мышкӧн
Аслад керка кильчӧ помад,
Кодыр паныдасям кыкӧн...

Коркӧ
Тӧдмалан кӧ тайӧс,
Гашкӧ, нюммунан на коса,
А ме бара ыбъяс сайӧ
Тэрыб лызьяс вылын воша,
Медым нимтӧ выльысь гижны.