* * *

Ичӧтдырся мывкыдӧн да сямӧн
Медводдза кыв коркӧ шуин:
					— Ма-мӧ...
Кад кор воис мунны служба вылӧ,
Шыӧдчин:
		— Эн вунӧд, муса нылӧй!
Шог кӧ босьтліс тэнӧ аслас сывъяс.
Казьтылін сэк:
		— Менам чужан кывйӧй!..
Уна туй да ордым куйлӧ водзад,
Кутан корсьны:
		— Кӧн тэ, войвыв кодзув?
Радлуныс и шогыс уна волас,
Шуны медым бара:
			— Майбыр, олӧм!..
Кодзув кусӧ, дойдны вермас нылыд,
Чужан муыд тэнӧ нэм оз ылӧд!