* * *

Дзик быдӧн сӧмын сійӧс кӧсйӧ,
Мед сьӧлӧм бердас вӧлі пым,
А ловзьӧм пуяссӧ пыр лӧсйӧ
Лым.
Оз ков, дерт, мортлы паччӧр
					шоныд
Да-й бипур дорын дыр он узь,
Кор ылі туйысь сылы воны
Оз мешайт вывті сьӧкыд мудз.

Но збыльысь сэки воан пикӧ,
Он кыв кӧ мӧдлысь шоныд ки.
Оз прӧста шуны: сьӧлӧм битӧг
Оз ӧзйы мӧд сьӧлӧмын би.

Мед лымйыс лӧсйӧ дуригмозыс
Куш эрдысь медводдза веж кор.
Тэ лоан сэки медся озыр,
Став пӧсьлун йӧзлы сетан кор.