ПАРМАСА ПРИНЦЕССАСьӧд синма Инесса Вӧрын олӧ-вылӧ, Пармаса принцесса Уджалӧ да сьылӧ. Мичмӧдны выль керка Кодлысь ковмас мелӧн, — Вӧчны сійӧ вермас, Некод мед оз велӧд. Татшӧм оланінӧ Любӧпырысь пыран... Ой, Инесса-Ина, Едждӧма тшӧтш нырыд! Кокни шутка-кывйыд Нылӧс, дерт, оз лёкӧд, Босьт кӧть ӧні сывъяд Да зэв пӧся окав! Но эн ёна тэрмась, — Абу ӧд тэ челядь! — Сетыштны на вермас Луданаджык пеляд. Кор Инесса вӧччас, — Видзӧдлыны любӧ! — Быд зон пыр жӧ вӧтчас Сы бӧрся выль клубӧ. Карса нывъяс, волӧй Ылыс Вуктыл дорӧ, Кӧні удж и олӧм Юргӧ кыпыд горӧн. Сьӧд синма Инесса Тані олӧ-вылӧ, Пармаса принцесса Уджалӧ да сьылӧ!
