ВО ГӦГӦРТӦЛЫНШӧйтӧ ӧшинь улын турӧб, Коймӧд лун нин сійӧ дурӧ, Ывла вылӧ кӧть эн пет... Гортас пукалӧны мед Пӧрысь баб да пӧрысь дед! Оз жӧ накӧд Вася пукав: Лыжиасяс ӧти здукӧн! Кӧні сылӧн шоныд пась? Дедыс дольӧ: — Муса Вась, Турӧб-лымйыс тэнӧ тыртас, Ичӧт ныртӧ дзикӧдз кынтас! Вася нинӧмысь оз пов, Сійӧс ӧлӧдны оз ков! — Турӧбысь на ыджыд ӧдӧн Исласьны детинка мӧдас... Ӧшиньсяньыс баб да дед Ӧні видзӧдӧны мед!ТУЛЫСЫНШонді сывдіс-сёйис лым, Ачыс лои ещӧ пым, Гуляйтӧ, оз мудзлы, Пӧшти оз и узьлы. Трактор мургӧ лун и вой, Трактор вылын менам чой, Сійӧ талун гӧрӧ Му колхознӧй йӧрысь. Меным уджыд тожӧ эм, Менам вывті шуда нэм: Школанымӧс садӧн Кытшавны ми радӧсь. Нюмъяв, гажа тулыс, Миянлы и мулы!ГОЖӦМЫННюдз да кокни вугыр шатин Ичӧт зонлы вӧчис батьыс. Шуис: — Босьт, мед миян юным Чери сетас юква пуны! Сэк, кор шонді синтӧ ёрӧ, Муніс зон лӧнь Эжва дорӧ, Гортас сёрӧн кодь нин кайис, Куим йӧршпи сьӧрсьыс вайис. — Вот и юква! — бать оз серав. — — Пыр жӧ куимнансӧ керам, Пуам, жаритам... Тэ артав: Ведра юква йӧршысь артмӧ! Ичӧт зонмыс медся шуда: Вердны бать-мамсӧ нин кужӧ!АРЫНБара воис кӧдзыд ар, Вой тӧв шутьлялӧ зэв яр. Кынмис ты И кынмис шор, Уси медбӧръя виж кор... Кӧдзыд арыс ӧшис Быд ты вылӧ ӧшинь.
