ДАСОлӧмыс кольӧмсӧ казьтӧ, Комилы пукталӧ бас, — Видзӧд, кыдз Коми му пасьта Зарниӧн дзирдовтіс — дас! Воысь-во тувччалам водзӧ, Оз позяв удж вӧсна сой. Шойччӧмсӧ аддзывлам шоча — Уджалысь войтырыд збой. Мунам. И пемыд, и тӧла, Синмад кӧть чуньястӧ сюй... ...Ленинлӧн миянлы сьӧлӧм Югдӧдӧ, висьталӧ туй. Водзӧ! Эн шогсьы! Эн повзьы! Тӧдам ми веськыд туйвизь. Видзӧдлы, кутшӧма ӧзйӧ Ыпъялӧмӧн коммунизм! Шумитӧ, шуштӧма увгӧ, Шутьлялӧ кӧдзыд вой тӧв. Пожӧмъяс — копрасьӧ, шувгӧ, Копрасьӧ кер доддя вӧв. Видзӧд, кыдз сё вося козъяс Пӧрӧны лым пиӧ... ух-х! Кылӧдны Кардорӧдз вӧзйӧ Пила да чер сылӧн друг. Видзӧд, кыдз коми йӧз ветлӧ Ю кузя, кылӧдӧ вӧр, Молльӧн да лотъясӧн вӧтлӧ Войвывса зӧлӧта — кер. Кывзы, кыдз параход масьтӧ, Йӧз муӧ нуӧ рас. Видзӧд, кыдз Коми му пасьта Зарниӧн дзирдовтіс — ДАС!
