СЬЫЛӦ РОБЕРТИНО ЛОРЕТТИГашкӧ, лэбач гӧлӧс кыла Асъя кыа сувтан часӧ? Робертино тайӧ сьылӧ Миян Эжва бердса раскын. Ылыс енэж, ылыс море Ловзьӧ синъяс водзын бара... Челядь сьыланкывлӧн горысь Мый эм гораджык му шарас? Медводз мамлы сійӧ инмӧ, Мамӧс гажӧдӧ и дойдӧ, Медым некор сылӧн синва Пилӧн морӧсас эз войтав! Тайӧ ыджыд, паськыд муас Уна войтыр эм на пайтӧм. Коді пыр на виртӧ юӧ Тэнсьыд, шондіа Ямайка! Сьылӧ ичӧт Робертино, Сьылӧ тайӧ асъя часӧ, Медым сылӧн чужан Римас Луныс вӧлі ми кодь ясыд.
