БАШЕННӦЙ КРАНЛЫ ГИМН

Мыйла нӧ меным тшӧтш
		неуна инмӧ,
Башеннӧй кранлы
		кор сиӧны гимнъяс?
Сьывны и колӧ,
		и ошкыны колӧ:
Енэжлань уськӧдчис
		миян том олӧм!
Синъясысь виччысьтӧг
		кусӧны бияс,
Кынмасны кор
		керка весьтӧ кӧрт кияс.
Кранъяс оз вермыны
		асьнысӧ дзебны,
Мыжа прорабъяс моз
		юръяснас легны.
Вӧвлытӧм кадлысь
		ми серпассӧ новлам:
Кӧртлы да сьӧлӧмлы
		шойччӧг оз овлы!
Аскилань туй
		медым некор оз оръясь, —
Копрасьӧй, кранъяс
		да виж семафоръяс!