* * *

Ва дорын шогсьӧ да норасьӧ истан...
Пароход сувтліс да эновтіс пристань,
Быттьӧкӧ нарошнӧ тювӧстліс нёльысь,
Кодӧскӧ торйӧдіс, кодӧскӧ колис.

Вавывса ордымыд ӧдйӧ тай сылӧ...
Кодлы нӧ ӧвтан лӧз чышъяннад, нылӧй?
Чойыдлы? Вокыдлы?
Гашкӧ нӧ, ёртлы,
Пароход тшыныскӧд ылысмӧм мортлы?

Медым ог тӧд ме ни тэнӧ, ни сійӧс, —
Пристаньлань гусьӧник ӧвтышті киӧн;
Медым эн тӧдлы и медым эн казяв,
Мый вӧсна менам тшӧтш син дорӧй вазис.

Сы йылысь некодлы оз висьтав истан,
Кымынӧс йитіс да торйӧдіс пристань...