ТӦВСЯ МОЙД

Он аддзы ни ӧти ордым,
Нинӧм оз торк вӧрлысь чӧв.
Юсьяслысь кокньыдик бордъяс
Ӧшліс быд пу вылӧ тӧв.

Лов шытӧ ассьыд кӧть дзебан,
Сьӧлӧмлӧн тіпкӧм оз кус...
Кысянькӧ лэбӧ и лэбӧ
Синкымад эзысь кодь бус.

Ичӧтӧн кывлывлӧм мойдыс
Паметьысь эз ӧд на вун:
Жаль весиг сьылӧмӧн дойдны
Пармалысь тӧвпомся ун.

Пожӧмын дзирдыштас кыа,
Повзьӧдас ягыслысь вӧт.
...Тракторлӧн матыстчысь шыыс
Казьтыштас олӧмлысь ӧд.