ДЗИРДАЛӦ МОРЕ

Дзирдалӧ море
Тӧлыся войӧ,
Парус-пыж дорӧдз
Югӧрсӧ койӧ.
Шогсьӧ гитара
Сынысьлӧн киас:
О, муса карӧй,
Санта-Лючия!
Чӧв олысь рейдын
Узьӧ Неаполь.
Янкилӧн крейсер
Шыбитіс якӧр;
Код юра зонъяс
Юӧны портас...
Висьтав, мадонна,
Кӧн налӧн гортныс?
Зумыша дзоргӧ
Пӧрысь Везувий,
Кымӧр сьӧд борднас
Сы весьтӧд уйӧ.
Дзоньӧн да бурӧн
Сы бердысь мунӧй
Инасьтӧм юръяс
Ӧдйӧджык нуӧй.
Терпитас сійӧ, —
Виччысьтӧг потас...
Тадз аслас биӧн
Помпея сотіс!