* * *

Кӧдзыдыс спиртысь на чорыд,
Чужӧмтӧ чеплялӧ-сотӧ,
Пыр жӧ кӧть ӧні сет морлы
Дипломатическӧй нота.

Кытчӧ нӧ сыысь тэ пышъян,
Йиджӧ кор ньӧжйӧник вирад?
Енэжлӧн кодзулӧсь чышъян
Тіралӧ пемыдлӧз йирын.

Ордымлӧн помыс зэв ылын,
Вӧрыс жӧ вугралӧ-узьӧ.
Нолтӧ, вай бур сьыланкылӧн
Яг вылысь ставсӧ дзик шызьӧд!

Кыпӧдас пожӧм мед юрсӧ,
Серӧктас эзысьӧн кыа.
Гашкӧ, и донаыс, бурыс
Гӧлӧстӧ ылісянь кылас.

Медым туй-ордымыд помтӧм —
Томдырйи лолыдлы долыд.
Сэк, кор и нинӧм оз шонты,
Сьылігтыр восьлавны колӧ.