ЛЭБАЧЛӦН ШУД

Збой челядь кадӧ завидь куті пыр,
Ме вӧльнӧй лэбачьяслы куті сӧмын завидь.
Кӧть ӧтчыд коркӧ лоны кымӧр сайын, —
Дзик ӧти думӧн вӧлі сьӧлӧм тыр.

Команда сетӧма... Включайтӧ газ пилот,
Пропеллер вундӧ аслас ыджыд вынӧн
Веж парма весьтысь югыд тувсов сынӧд,
И сӧмын кымӧр ӧтнас меным ёрт.

А водзын Эжва, чужан кар да сикт...
Но мыйла колӧ юлӧн эзысь ордым,
Кор лэбачысь на вына лои бордным,
И бушколыс оз кынты сӧнысь вир.

Мед лэбачӧн кӧть свет вылӧ эг чуж,
Но тӧдмалі нин сылысь ыджыд шуд!