* * *

Тувсов лунӧ ми аддзысим тэкӧд,
Ыбъяс вылын кор дзордзаліс май.
Первой кӧдзалӧн вежӧдысь петас
Тшӧктіс виччысьны бур урожай.

Векньыд борйын сэк пукалім кыкӧн,
Некод ми дінӧ коймӧд эз ков,
Асьныс сьӧлӧмъяс тӧдісны шытӧг,
Кыдзи гӧрддзассьӧ ыджыд любовь.

Но ме висьтасьны сэки эг кӧсйы,
Кӧть лӧз синъясад видзӧді пыр,
Мый кык сьӧлӧмысь ӧтувтӧм пӧсьлун
Том душа пытшкысь некор оз быр.

Ворсӧ ӧшиньын кыалӧн рӧмыс,
Пелысь пуыскӧд торйӧдчис вӧт...
Тэнӧ ӧтнадтӧ виччыся... Сӧмын,
Гашкӧ, та йылысь пыр на он тӧд?

Тувсов лунӧ ми аддзысим тэкӧд,
Ыбъяс вылын кор дзордзаліс май.
Первой кӧдзалӧн вежӧдысь петас
Ваяс шуда да бур урожай.