КОМСОРГ

Некор гажтӧмчыны ягын,
Некор пӧжны шог,
Клубӧ том йӧзкӧд жӧ радын
Локтіс кӧ комсорг.

Синъяс чӧвтіс нывъяс вылӧ,
Шуис мелі кыв,
И зэв ылӧ, ылӧ, ылӧ
Тӧвзис гудӧк шы.

Тырмӧ местаыс тай ставлы —
Ворс да йӧкты вай!
Но дзик некӧн ассьыс слава
Том вожак оз сдайт.

Тӧвся рытлӧн абу помыс,
Кодзув ӧзйӧ дыр.
Сы вылӧ и миян томлун
Ӧтчыд овлӧ пыр,

Медым ӧтув юкны сёрни,
Ӧти ыджыд шуд,
Быд бригадаӧ комсорглысь
Сьӧрысь нуны дум...

Шонді петтӧдз сувтӧ бара
Зіль да варов зон.
Мунӧ сы бӧрся ударнӧй
Комсомольскӧй взвод!