ТУВСОВ ВОЙ

Ог вунӧд некор тэнӧ, тувсов вой!
Пӧсь шонді быттьӧ сійӧн сӧмын куслӧ,
Мед небесаыс здук кежлӧ дзик чусмас
Да исковтас выль кыалӧн сё войт.

Кӧть мудзлун личкӧ, — кутшӧм сэки ун! —
Кор сьӧлӧм пытшкын чужӧ долыд песня
И зарни вӧрӧн тырӧм запань весьтын
Сё рӧмӧн бара сувтӧ югыд лун.

Он терпит тэ, не босьтны медым чер,
И багыр йылӧн йӧткыны он сёрмы
Станок дінӧдз веж ягысь кывтӧм кер...

Кыдз вашкӧны лӧнь войкӧд льӧм пу коръяс,
Кыдз унзіль ваыс каттьӧ мелі сёрни, —
Став мичсӧ мулысь испытайтан тэ!