ТУНДРАЫН ДЗОРИДЗАЛӦ АСТРА

Ог мойдкыв висьтав, — мойдлы ичӧт дон:
Урал бердын мен паныдасис астра,
Зэв нежнӧй дзоридз аддзӧма сэн аслыс
Рудничнӧй дворысь ичӧтик газон.

О, лунвыв гӧстьяс, тӧданныд-ӧ ті,
Мый тайӧ муыс нэмсяньыс эз сывлы,
Буранъяс кындзи, нинӧм дзик эз кывлы,
Поэт эз сьывлы сылы ассьыс стих.

Но кытчӧ сӧмын локтӧ миян морт, —
И тундра, и пустыня ставнас ловзьӧ,
Полярнӧй йӧйлуныс и бӧрыньтчӧ и повзьӧ,
Пустыняясӧ письтӧ зарни шор...

Сӧветскӧй мортлӧн мудрӧй созиданье
Став мусӧ вӧчӧ дзоридзалан садйӧ!