РӦДИНАТэкӧд, Рӧдина, помӧдз йитсис Миян олӧм и миян шуд. Гижны та йылысь медбур висьтын, Сьывны песняын ме ог куж. Вӧлім ичӧтӧсь, кор Октябрын Кучкис Зимньӧйӧ первой залп, Сэсся тэкӧд жӧ ӧти радын Менӧ лыйлыны кӧсйис враг. Гашкӧ, сійӧн и сэтшӧм вынӧн Сувтіс му вылӧ выль народ, Кодӧс некутшӧм биын-тшынын Пемыд выныс эз ви, эз сот. Нежнӧй медсясӧ, коркӧ стрӧг и, Но бур пиянтӧ тэ он дойд, Быттьӧ быдӧн ми ӧти рӧдысь, Ӧти керкаысь вок да чой. Мунны тэкӧд да тэкӧд лоны — Веськыд туй таысь мӧд оз ков. Кувны тэ вӧсна, выльысь овны Сьӧлӧм ни ӧти здук оз пов. Но и мӧдысь кӧ овны кужан, Лоан уджйӧза тэныд век: Мусӧ мичмӧдны выльысь чужтін Мортӧс свет вылӧ сӧмын тэ. Тэкӧд, Рӧдина, помӧдз йитсис Миян олӧм и миян шуд. Тайӧ кывъясысь бурджык висьтсӧ Корсьны тэ йылысь ме ог куж.
